一茶詞 (已結業)

天氣好凍，同2個朋友行過太子地鐵站，經過見到舖頭裝修好似幾靚，白色主色，門口嘅牆有霓虹燈、植物牆呢d 打卡位，就行過去望下。店名叫一茶詞都幾得意～ 望完menu，覺得紫薯鮮奶好似最吸引，所以點左杯熱紫薯鮮奶（正常糖）。朋友點左熱伯爵拿鐵（半糖）同熱焦糖珍珠奶茶（半糖）。紫薯鮮奶唔錯！見到店員系用明治奶沖，重點係紫薯係100%真紫薯蓉！好有質感，好香紫薯，呢個好飲啊！仲要擺好耐都冇凍到暖暖地，記得拎知細飲筒攪下佢，用飲筒飲口感會濃厚d。伯爵茶拿鐵唔知係咪因為半糖，味道好淡，但係有伯爵茶嘅香味～飲落似係伯爵茶奶茶嘅味道。焦糖珍珠鮮奶嘅鮮奶好好味，都係明治奶，幾濃，但係珍珠稍微遜色，煮得再透d 會更好～整體都唔錯，紫薯絕對想encore！