影片
更多
2017-12-03
346 瀏覽
由細食到大，雖然吾係住附近，但呢間冰室絕對值得山長水遠特登入去食。呢間係真 冰室，真真正正係幾代之前已有既冰室，係香港真係已經買少見少。由屋企人細細個食到大再到我細細個食到大，風味品質依然。裝修真係50年不變，夠古老懷舊。由開鋪到關鋪人潮不斷，需要等位同搭枱。雖然要等位，而且落左單後上菜速度較慢，但慢工出細貨，等下都值得。去到必試 牛肉通粉 通粉口感煙韌，有別一般餐廳通粉口感，牛肉用上鮮牛肉再加上薑絲，湯底食得出絕對無落味精，配搭埋小許胡椒粉，更係一流好味到連湯都飲埋黎呢度既一係叫早餐一係叫常餐，分別在於早餐係跟菠蘿油既 菠蘿油 而嫁既菠蘿油比以前既稍為有點失色，以前菠蘿包中間會夾住2塊厚厚既大牛油，食落好香油酥味，而嫁牛油減少左，食落只是不過不失 常餐可跟蛋治/腿治 識食既梗識簡蛋治，一睇就知，蛋治超多蛋，而且食得出蛋靚，蛋味重，夠香濃，而且滑蛋火候控制得好好，好夠滑口而且蛋重有小小流心既，未係全熟得曬，啖啖都係正最後梗係吾少得杯餐飲，跟餐有餐飲，推介 咖啡 奶茶 鴛鴦 檸檬茶點解??因為個茶底靚囉～沖出黎好飲兼滑口，除左餐飲好飲之外極力推介埋大大杯超多紅豆既紅豆冰，想試
呢間係真 冰室，真真正正係幾代之前已有既冰室，係香港真係已經買少見少。由屋企人細細個食到大再到我細細個食到大，風味品質依然。
裝修真係50年不變，夠古老懷舊。由開鋪到關鋪人潮不斷，需要等位同搭枱。
雖然要等位，而且落左單後上菜速度較慢，但慢工出細貨，等下都值得。
去到必試
牛肉通粉
通粉口感煙韌，有別一般餐廳通粉口感，牛肉用上鮮牛肉再加上薑絲，湯底食得出絕對無落味精，配搭埋小許胡椒粉，更係一流好味到連湯都飲埋
黎呢度既一係叫早餐一係叫常餐，分別在於早餐係跟菠蘿油既
菠蘿油
而嫁既菠蘿油比以前既稍為有點失色，以前菠蘿包中間會夾住2塊厚厚既大牛油，食落好香油酥味，而嫁牛油減少左，食落只是不過不失
常餐可跟蛋治/腿治
識食既梗識簡蛋治，一睇就知，蛋治超多蛋，而且食得出蛋靚，蛋味重，夠香濃，而且滑蛋火候控制得好好，好夠滑口而且蛋重有小小流心既，未係全熟得曬，啖啖都係正
最後梗係吾少得杯餐飲，跟餐有餐飲，推介
咖啡
奶茶
鴛鴦
檸檬茶
點解??因為個茶底靚囉～沖出黎好飲兼滑口，除左餐飲好飲之外
極力推介埋大大杯超多紅豆既紅豆冰，想試既朋友，呢個吾包係餐飲嫁，記得係需要另叫既
張貼
