韓宮 (已結業)

幾次行黃埔經過依家充滿韓國特色嘅店舖，都想入搵次去試下。 今次朋友約去黃埔食飯，見諗極都諗唔到食咩呢，就去依度試下啦。我哋兩個人放工，五點九就去到呢間店鋪，但原來佢哋晚上係六點鐘先開舖。所以只好入去坐住先，等職員六點鐘食完佢哋嘅晚飯先正式開始招呼我哋。間店舖用木材裝修 好有宮殿特色 經過一輪嘅篩選我哋最後叫咗一個人蔘雞湯同埋芝士辣雞。芝士辣雞辣雞可以同職員講要幾辣。 我哋就叫咗個小辣 。個芝士辣雞都燒得幾嫩滑，而且係點埋香濃嘅芝士後，食落口就好滋味。唯一不足嘅係，佢嘅芝士份量唔算太多，如果你每一件雞都黏滿曬芝士嘅話，最後有啲辣雞係冇芝士點。而且佢嘅份量真係偏少。男仔嘅話一人食完一份都未必完全飽。人參雞湯：果雞細細隻，所以啲肉質好嫩滑。 佢係將人參放喺啲糯米度，然之後將啲糯米塞入去雞肚裏面，跟住去煲。所以你食落個雞肉都幾重人參味，個湯好甜好濃。唯一不足既都係果樣：份量唔算多。如果只係食依份雞湯，男人一定唔夠飽。