影片
更多
2016-04-28
1676 瀏覽
放工後接埋女朋友去黃金買野，行完之後見就尼8點都未食飯，就近近地去左正宗上海生煎皇食啦。其實一向都有食開旺角果間，都覺得佢啲野做得唔錯，可惜今日係深水埗依一餐，除左招牌包點外，其餘都大失所望，究竟係唔同師傅既問題，定係除左招牌菜之外，其餘既都不值得一試呢?!先講下食左咩先啦，尼得食間店，梗係要食佢既生煎包啦~ 佢地既生煎包都真係不愧係生煎皇，皮薄多汁，外脆內軟，唔會因為煎過而滿口油，肉既SIZE適中，唔會太大而覺膩，但又唔會太細而好似冇咩肉食咁~ 不過講咁耐，其實重點都係佢可以保留住佢既肉汁，真係多汁都會噴汁架!!! 唔好睇佢上台果時扁扁地，個樣好似冇咩特別就大啖咬落去，其實佢入面充滿肉汁，一唔小心仲會噴到對面添(我件裇衫就係咁中左招 =.=") 所以建議大家都係小心D食好~之後就食左蟹粉小籠包。其實依間店既包點真係做得幾出色，同生煎包一樣，佢既小籠包都一樣係皮薄多汁，所以都要小心食，以防噴汁。今次我地第一次食蟹粉小籠包，果然冇令我地失望，蟹味好濃，咬開左仲見到入面既餡有一絲絲蟹肉，份量雖然唔係話好多，但至少係可以見到落堅料去整既，雖然價錢比普通小籠包貴一倍，但總算貴得有道理。好可惜佢
先講下食左咩先啦，尼得食間店，梗係要食佢既生煎包啦~ 佢地既生煎包都真係不愧係生煎皇，皮薄多汁，外脆內軟，唔會因為煎過而滿口油，肉既SIZE適中，唔會太大而覺膩，但又唔會太細而好似冇咩肉食咁~
不過講咁耐，其實重點都係佢可以保留住佢既肉汁，真係多汁都會噴汁架!!! 唔好睇佢上台果時扁扁地，個樣好似冇咩特別就大啖咬落去，其實佢入面充滿肉汁，一唔小心仲會噴到對面添(我件裇衫就係咁中左招 =.=") 所以建議大家都係小心D食好~之後就食左蟹粉小籠包。其實依間店既包點真係做得幾出色，同生煎包一樣，佢既小籠包都一樣係皮薄多汁，所以都要小心食，以防噴汁。
今次我地第一次食蟹粉小籠包，果然冇令我地失望，蟹味好濃，咬開左仲見到入面既餡有一絲絲蟹肉，份量雖然唔係話好多，但至少係可以見到落堅料去整既，雖然價錢比普通小籠包貴一倍，但總算貴得有道理。好可惜佢其他食物就令我地好失望啦。前菜我地叫左青瓜海蜇同川味無骨鳳爪，先講青瓜海蜇，其實我本人原意係想食海蜇既，但一上到尼，依~咁少海蜇既，再夾條尼食，冇味架喎~ 雖然成堆蒜頭鋪左係面，但條海蜇一D味都冇，真係有D失望。好在佢D青瓜都幾爽脆清甜，選料都唔錯，算係不過不失啦~
不過低處未算低，個川味無骨鳳爪至係真正冇味冇道，其實本身唔太知川味即係咩，不過同個"川"字有關，理論上都估佢係辣既~ 點知一食，唔好講話辣，直頭好似食緊白焯鳳爪咁，咩味都冇，而且因為佢用左炸過既鳳爪尼做(即係類似酒樓點心果D)，所以我女友形容佢為攤凍左既豉汁鳳爪走豉汁 XD 大家不妨自行腦補下係咩味道 (咪就係冇味囉 =.=")
主食就叫左個芝麻醬五絲冷麵，芝麻醬落得幾重手，所以唔會有唔夠味既情況，而且配料都幾足，不過今次就到個麵出事啦! 個麵份量其實幾多，不過好乾，乾到撈埋醬汁都仲係覺得佢好難吞，加上麵質唔彈牙，仲有少少削，所以依個都係NO GOOD!
最後仲叫左個酸辣湯，個湯其實幾足料，有好多荀啊木耳啊肉絲啊果D，不過就略嫌太"杰"同唔夠辣，得個酸字，但總算比上面3款好~
總括尼講，正宗上海生煎皇除左包點，其他菜色都好一般，如果大家有意去食，建議大家都係主攻包點就好啦~
張貼
