影片
更多
2011-02-20
32 瀏覽
前排去老蘭嘅感受同以往極之不同，人流少之餘，地盤周圍隨處可見，昔日果種熱鬧同親切嘅氣氛如同絕響。無他嘅，主要係先有地標嘅加州大廈在重建，仲有過往嘅人氣餐廳 FINDS、Tuscany by H 等等相繼結業，的的確確有種愁雲慘霧嘅感覺。不過，近期呢個悶局開始起咗變化，其中LKF Tower 就有新店Lily and Bloom誕生。Lily and Bloom 分作兩層，上層嘅Lily係酒吧，配搭顏色各樣都比較cool，下層係brasserie style嘅Bloom。從電梯仰然步出，清晰見倒Lily 嘅 signage，一位穿著黑色長裙嘅外藉靚女hostress隨之前嚟迎接，望真一下，嘩。。。差不多八成似網球巨星舒拉寶娃。「寶娃」問過來歷，就徐徐帶路到下層嘅Bloom。Bloom嘅設計跟較冷傲嘅Lily節然不同，格調十足十八、九十年代傳統紐約style嘅diner一樣，入門旁邊一個bar位，直入就係餐房。 Cherry clams (Grade: 3.5/5)Bar除咗供應飲料外，仲有各式各樣嘅新鮮海產例如生蠔、大蜆、海鮮拼盤等等。食神當晚點咗較少見嘅cherry clams，果然蜆
不過，近期呢個悶局開始起咗變化，其中LKF Tower 就有新店Lily and Bloom誕生。
Lily and Bloom 分作兩層，上層嘅Lily係酒吧，配搭顏色各樣都比較cool，下層係brasserie style嘅Bloom。從電梯仰然步出，清晰見倒Lily 嘅 signage，一位穿著黑色長裙嘅外藉靚女hostress隨之前嚟迎接，望真一下，嘩。。。差不多八成似網球巨星舒拉寶娃。「寶娃」問過來歷，就徐徐帶路到下層嘅Bloom。
Bloom嘅設計跟較冷傲嘅Lily節然不同，格調十足十八、九十年代傳統紐約style嘅diner一樣，入門旁邊一個bar位，直入就係餐房。
Cherry clams (Grade: 3.5/5)Bar除咗供應飲料外，仲有各式各樣嘅新鮮海產例如生蠔、大蜆、海鮮拼盤等等。食神當晚點咗較少見嘅cherry clams，果然蜆肉大又鮮甜，入口時仍然可以感受倒淡淡嘅海水味，唯一可惜係沙石略嫌太多，影響咗口感。
帶子配南瓜蓉 (Grade: 4/5)賣相唔錯，三片大大嘅帶子香煎後再加入南瓜蓉同些少香料。帶子彈牙，味道絕對不下於北海道嘅貨色。南瓜蓉夠香滑，口感及濃度可以同Joel Robuchon馳名嘅馬鈴薯蓉相比。
蜜糖燒鴨胸 (Grade: 3.5/5)一向好喜歡燒或煙鴨胸呢道菜，廚師今次用咗蜜糖所以非常惹味，就連皮嘅位置都燒至金黃香脆。一切都似乎萬無一失，可惜嘅係鴨肉太多筋，另外肉亦煮得太過生肉色仍然呈現藍色，所以都影響咗入口嘅嚼感。
華倫西亞式西班牙飯 (Grade: 3.5/5)西班牙大鍋飯(paella) 其實源於西班牙華倫西亞，在當地語言解作「鍋」嘅意思，但響香港接觸倒嘅大多素係西班牙海鮮飯，配料都不外乎蝦、魷魚之類。呢度嘅華倫西亞式西班牙飯就可算係豐富得多，除兩條長長嘅燒蘆筍，傳統嘅蝦、蜆、魷魚之外，仲有辣肉腸，連雞翼都有。細細嘅一窩飯好似食極都有!
美中不足嘅係飯嘅質地較柔軟，做法有D似risotto，如果可以做得硬一點有些少飯焦會更好。
總括而言整晚服務可以接受，唯一些少細微不著眼處可以做得更加好。譬如放響bar後面嘅大黑板，寫滿當日新鮮當做嘅海鮮同廚師精選，其實客人坐得太遠完全睇唔倒，如果可以再用塊細黑板等侍應可以帶到客人枱邊介紹相信效果會更好。
張貼
