影片
更多
2010-05-09
25 瀏覽
第一次打食評，因為真係好想講低今日在常滿所發生既事，等大家去之前都要三思!!!!今日一行10人打算去試下佢既下午茶任食，一去到既時間個reception好好人甘話原本今日無分午市任食同下午茶任食，全部都係$58一位，不過因為我早一日已經訂左，加上訂既時候講左$52位再加茶錢同加一，所以做返$52一位俾我地。入去既時候個reception俾左兩疊紙我話落單用既，甘我地就填啦。填填下又有另一位侍應行埋黎又俾第三疊紙我地填，話我地可以填既，都係任食既。點知到埋單時佢話要收$58一位，因為我地填左第三疊個張紙，而個疊紙既食物係下午茶既唔食得既。真係覺得呢間野絕對唔老實...話收平你點知又叫侍應俾多疊唔叫得既紙你填，最後就係甘收返貴既價錢，真係好嬲呀。同佢地理論時，話佢地取巧，係佢地既侍應拎埋黎仲問過係填得既...佢地即刻無野講。為左唔想有失身份，加上同佢嘈都無用，最後個幾十元我唔同佢地計，當俾黎看清楚呢間野。不過真係好想大家考慮去既時候真係要考慮下，以免大家一肚氣。除左呢件事之外，其實仲有好多不太可取既地方。環境方面，有勁多蒼蠅，仲飛哂去d野食度，D碟好似無洗過甘。上菜方面，非常慢。d單又亂.
第一次打食評，因為真係好想講低今日在常滿所發生既事，等大家去之前都要三思!!!!
今日一行10人打算去試下佢既下午茶任食，一去到既時間個reception好好人甘話原本今日無分午市任食同下午茶任食，全部都係$58一位，不過因為我早一日已經訂左，加上訂既時候講左$52位再加茶錢同加一，所以做返$52一位俾我地。
入去既時候個reception俾左兩疊紙我話落單用既，甘我地就填啦。填填下又有另一位侍應行埋黎又俾第三疊紙我地填，話我地可以填既，都係任食既。點知到埋單時佢話要收$58一位，因為我地填左第三疊個張紙，而個疊紙既食物係下午茶既唔食得既。真係覺得呢間野絕對唔老實...話收平你點知又叫侍應俾多疊唔叫得既紙你填，最後就係甘收返貴既價錢，真係好嬲呀。同佢地理論時，話佢地取巧，係佢地既侍應拎埋黎仲問過係填得既...佢地即刻無野講。
為左唔想有失身份，加上同佢嘈都無用，最後個幾十元我唔同佢地計，當俾黎看清楚呢間野。不過真係好想大家考慮去既時候真係要考慮下，以免大家一肚氣。
除左呢件事之外，其實仲有好多不太可取既地方。
環境方面，有勁多蒼蠅，仲飛哂去d野食度，D碟好似無洗過甘。
上菜方面，非常慢。d單又亂...一係就來個double，一係就漏單。
食物方面，一係太咸，一係就硬到咬唔開，D粥就勁稀
侍應態度方面，服務態度一般，同佢講野唔應人。
其實呢個價錢可以有更多選擇，起初都係抱試一試既心態，點知真係太令人失望同激氣。
張貼