阿杏飯團 (東海商業中心)

營業中

休息中

近日經同事介紹發覺做嘢附近有間新開嘅飯團店，自己都好鍾意食飯團，因為方便、又唔使同人哋迫茶餐廳。阿杏飯團店仲有一樣正嘢：就係健康。飯團有好多款選擇，基本上你講得出嘅配料都有，今日揀咗網紅蟹肉飯團，同埋凍奶茶配燒仙草。擺設——估唔到都好揼本，店內有四至五個堂食座位，仲擺設得好靚，女同事掛住打卡，我梗係專注食啦。網紅蟹肉飯團——同華御結根本冇得比，首先係有紅米，大家都知道紅米嘅升糖指數比白米低，啱晒減緊肥嘅女同事。再講返配料，多過對方好多，平時可能要買兩個飯團，阿杏一個就可以夠飽肚。味道方面，超級好味。凍奶茶配燒仙草——有樣嘢好重要亦都要讚，就係飲品唔太甜，再加上有燒仙草令到成個午餐好飽肚，呢間應該會係我嘅飯堂。