幸福堂 (明發大廈) (已結業)

幸福堂個名聽左好耐但就冇幫襯過，最近幸福堂係弼街開咗新店，之前每次經過都好多人，今日中午行過見唔到太多人就買一杯試試，第一杯當然要叫招牌焰遇幸福黑糖真鮮奶啦，估唔到又真係幾好飲喎，珍珠好Q好彈，黑糖味入晒珍珠，用上明治鮮奶，最頂果層仲加左奶蓋，用火槍噴過，面嗰陣好似有層燒焦嘅黑糖，好似有火焰嘅感覺，好鬼死靚仔，真係抵你咁出名！唔記得講俾錢嘅時候仲有得抽籤，可惜我抽倒嘅係中簽😭內容就唔記得係乜了。見到佢哋個poster有黑杯，個黑杯好型，下次經過試吓佢個黑杯純茶系列🤩