影片
更多
2020-09-15
1661 瀏覽
上星期去登龍街外賣車仔麵，發現原來同一條街，最近新開咗間「樂湯雞麵館」。其實呢間舖頭想幫襯好耐，因為之前見朋友力讚餐廳嘅「鮑魚花膠雞湯翅」，話用料十足，好味又抵食，估唔到店子咁快又開咗新分店，實力可見一斑。餐廳地方不大，室內的椅桌以木材為主，屬街坊小館格局，牆身上掛滿了食物相片，每一張都拍攝得很精美，令人食慾大增。先細看餐牌，嘩！幾乎全部都係雞，除了招牌花膠雞湯翅外，還有砂鍋雲吞雞、藥膳醉雞、口水雞、沙薑雞等，另外亦有大碗飯、撈出前一丁、小食/冷盤、菜蔬及飲品等可供選擇。店員話餐廳新開張，而家仍在試業期間，無論堂食或外賣，均可享九折優惠。砂窩花膠雞湯翅 ($88) 是餐廳嘅招牌名物，當然不可以錯過。雞湯翅可以揀配米線、米粉、粉絲、刀削麵或白飯，另外亦可以加錢配餸料。我哋加咗兩隻鮑魚 ($25x2)、轉雞髀 (+$10)，再配埋豆漿 (+$8)，鮑魚花膠雞湯翅撈飯，超級豐富。先嚐一口湯底，雞味非常濃郁，但入口一點也不油膩，飲得出有誠意。花膠勁大片，軟腍富彈性，入口有膠質感，絕對是美顏之選。魚翅份量雖然不多，但食得出真材實料。鮑魚肉質鮮甜，食落彈牙有嚼勁，而且質感有點煙韌，感覺好爽！雞髀
其實呢間舖頭想幫襯好耐，因為之前見朋友力讚餐廳嘅「鮑魚花膠雞湯翅」，話用料十足，好味又抵食，估唔到店子咁快又開咗新分店，實力可見一斑。
餐廳地方不大，室內的椅桌以木材為主，屬街坊小館格局，牆身上掛滿了食物相片，每一張都拍攝得很精美，令人食慾大增。
先細看餐牌，嘩！幾乎全部都係雞，除了招牌花膠雞湯翅外，還有砂鍋雲吞雞、藥膳醉雞、口水雞、沙薑雞等，另外亦有大碗飯、撈出前一丁、小食/冷盤、菜蔬及飲品等可供選擇。
店員話餐廳新開張，而家仍在試業期間，無論堂食或外賣，均可享九折優惠。
砂窩花膠雞湯翅 ($88) 是餐廳嘅招牌名物，當然不可以錯過。雞湯翅可以揀配米線、米粉、粉絲、刀削麵或白飯，另外亦可以加錢配餸料。我哋加咗兩隻鮑魚 ($25x2)、轉雞髀 (+$10)，再配埋豆漿 (+$8)，鮑魚花膠雞湯翅撈飯，超級豐富。
先嚐一口湯底，雞味非常濃郁，但入口一點也不油膩，飲得出有誠意。花膠勁大片，軟腍富彈性，入口有膠質感，絕對是美顏之選。魚翅份量雖然不多，但食得出真材實料。
鮑魚肉質鮮甜，食落彈牙有嚼勁，而且質感有點煙韌，感覺好爽！雞髀非常嫩滑，上桌時已經代為切件，入口啖啖雞味，加上雞肉索滿湯汁，更添美味！
胡麻醬三色撈出前一丁 ($78)，本來麵條點咗出前一丁，店員提醒話可以換成刀削麵， 兩者同價，所以即時轉軚。大廚用上冬菇絲、青瓜絲及甘筍絲作配料，撈埋刀削麵一起吃，麵條肥嘟嘟，具咬口，再加上口感滑順嘅胡麻醬，配搭清新健康，別有一番滋味！
另外呢個迷你海味雜菜煲 ($52) 亦很有驚喜，其實分量絕不迷你，而且用料亦超慷慨，除了有粉絲、蝦米、菜心和娃娃菜之外，撈起仲見到煲內有不少瑤柱粒、西蘭花和細碎嘅花膠，能一次過品嚐多種味道，層次豐富，令人十分滿足。
食完再嘆番杯豆漿 (+$8)，一樂也。
張貼
