影片
更多
2015-01-16
554 瀏覽
收工叫埋屋企人唸住陪佢地食個飯, 最尾暫定九龍城食泰國菜, 黎到九龍城之後行下之後改變主意想打邊爐, 本身就好鐘意打邊爐, 早兩日先打完邊爐今日見天氣凍又心掛掛了.於是一齊唸住黎呢間厚福館試下.之前聽過同事推薦過. 生意都真係幾好,等咗10分鐘左右好幸運有得坐嚕. 打開menu,一眼就俾佢嘅湯底吸引, 好多選擇, 有好多都寫住係數量限定. 連魚翅雞湯底都有 一聽就覺得好似好highclass. 最尾媽咪叫咗個菜乾潤肺湯底. 上到黎見到好足料,好多菜乾, 即刻對呢間嘢有d好感. 實在係食過太多呃錢嘅. 我地叫咗個海膽刺身, 魚露螄蚶, 原隻火箭魷魚, 自製墨魚滑, 每日限量頂級牛肉, 牛肉刺身, 仲有白菜仔. 海膽刺身好特別,放係個羹上邊. 好似知我懶方便我食咁 食落入口即溶, 帶有少少甘甜, 好新鮮. 真係直頭唔想同果d好腥嘅海膽做對比. 我又怕腥味,呢個真係值得食. .講到打邊爐, 肥牛就係我嘅摯愛,亦都係一樣決不可缺嘅邊爐料. 大多數人出去打邊爐都會睇肥牛價錢去選擇款式同部位. 呢間嘅限量頂級肥牛要差不多300一碟, 都算少貴.不過頭先見隔離臺上咗碟覺得好靚,決定試下.
生意都真係幾好,等咗10分鐘左右好幸運有得坐嚕.
打開menu,一眼就俾佢嘅湯底吸引, 好多選擇, 有好多都寫住係數量限定. 連魚翅雞湯底都有 一聽就覺得好似好highclass. 最尾媽咪叫咗個菜乾潤肺湯底. 上到黎見到好足料,好多菜乾, 即刻對呢間嘢有d好感. 實在係食過太多呃錢嘅. 我地叫咗個海膽刺身, 魚露螄蚶, 原隻火箭魷魚, 自製墨魚滑, 每日限量頂級牛肉, 牛肉刺身, 仲有白菜仔.
海膽刺身好特別,放係個羹上邊. 好似知我懶方便我食咁 食落入口即溶, 帶有少少甘甜, 好新鮮. 真係直頭唔想同果d好腥嘅海膽做對比. 我又怕腥味,呢個真係值得食.
.講到打邊爐, 肥牛就係我嘅摯愛,亦都係一樣決不可缺嘅邊爐料. 大多數人出去打邊爐都會睇肥牛價錢去選擇款式同部位. 呢間嘅限量頂級肥牛要差不多300一碟, 都算少貴.不過頭先見隔離臺上咗碟覺得好靚,決定試下. 一上黎見到我嘅仲靚, 原來隔離嘅係雪花肥牛.我嘅係頂級肥牛哈哈 灼一灼, 見到d花紋,瘦嘅部位間隔住少少油花, 果然係靚嘢. 咬起身唔會多筋咬唔開, 兼且好lum. 但又唔會太肥, 最驚就係果d一大塊牛得幼幼一條瘦肉,其他都肥, 呢個都物有所值,始終依家提倡少肉多菜. 既然係食肉,就當然最好重質不重量.
另外叫多咗個牛肉刺身俾爹地食. 無計啦,我地係the family of beef lovers哈哈. 牛肉刺身198, 刺身黎講幾抵食. 牛肉帶有少少肥花紋, 岩岩好,dip少少wasabi, 好好味. 黎之前search openrice講呢間d牛好有保證,唔靚唔入貨. 所以放心曬叫刺身.
跟住魷魚係原隻上碟,已經切好咗一件件. 擺落去淥一陣就食得, 如果太耐會好韌. 同埋好有魷魚味, 感覺上唔係果d雪住嘅.
至於墨魚滑,我只可以講, 真係粒粒墨魚粒係入邊,一上黎已經就咁見到. 我地整到好細舊淥, 除咗好有墨魚味仲好彈牙. 我唸呢間嘅丸都係佢出名嘅不過我地叫咗滑就無叫到丸.
總體俾我屋企人印象都唔錯, 如果下次有機會可以再黎試下佢嘅五寶丸,見到都幾唔錯.可能牛肉嘅價錢貴咗d, 不過都係果句, 無謂擺曬d垃圾落肚, 最尾仲要減肥啦.
值得食,下次會再黎.
張貼
