夜晚有時都係求求其其食一餐
今日同同事諗住喺附近食飯
見到呢間源記幾多人食入去試吓
.
崩沙腩麵
崩沙腩好食 牛腩肥瘦適中 味香濃郁
幼麵條彈牙 湯底ok夠味
加咗兩滴辣油，正
鳳城水餃金錢肚粗麵
雙拼有兩隻水餃 脹卜卜咬落去都好多餡
金錢肚份量夠多好入味 但係又唔會太鹹
叉燒燒腩仔雙拼 （例牌）
蜜汁好香口 叉燒偏瘦但都淋身唔乾
燒腩仔皮脆肉香，夾肥夾瘦，口感豐富
簡單又滿足，港式經典配搭
茶走（少甜）
茶走唔係度度都做得好飲
呢度真係做到茶香奶滑 完美點綴左呢一餐
重點係我哋兩個都對味精好敏感
竟然食完呢一餐之後完全冇口渴嘅感覺
真係一大驚喜🥹
2
