阿里山 (逸酒店) (已結業)

屋企附近開咗間「阿里山古早味蛋糕」，早幾日就買咗幾款蛋糕做下午茶同早餐，呢間真係真材實料，全部新鮮出爐，絕無隔夜，好好味。日本柚子蜂蜜味用上新鮮嘅高知縣柚子皮，好香嘅柚子味，再加上蜂蜜，味道好清新，一試難忘。粒粒榛子味面層佈滿粒粒榛子，榛子很脆，好有咬口， 入邊仲加上榛子醬，多重口感。原味古早味蛋味特別香濃，蛋糕特別鬆軟，味道簡單美味。下次我要試下唔同味道先，好想試D24榴槤味， 另外佢哋晚上八點後會有半價，好抵食。