影片
更多
2020-10-06
1009 瀏覽
以前喺北角返工，經常會去錦屏街搵食，皆因這條後街小巷隱藏著不少高質小店食肆，如西式餐廳、星洲蝦麵店、酒吧等。早幾日約咗朋友喺北角交收，趁空檔過嚟錦屏街行下，發現路口新開咗間「八目燒」串燒專門店，好友一向愛嚐新，所以即時訂咗檯，邀請她一起來晚飯相聚。餐廳面積不大，裝潢簡約，以紅黑色為主調， 牆上掛了一大幅製作得很嘅精美世界地圖， 個性十足，盡顯店主心思。先細看餐牌，串燒選擇都幾多，有肉類、海鮮、蔬菜，另外仲有沙律、前菜、刺身、刺身丼、唐揚、日式飯漢堡、日式意粉、拉麵、烏冬及燒肉爆丼等供應。我哋揀咗五款串燒，另外再加咗一客鰻魚爆丼。幾款串燒同時上桌，先試下鹽燒牛舌串 ($28)，牛舌選用了牛脷芯最靚的部位，入口鹹度啱啱好，唔會燒到好乾，保留了牛的肉汁，而且食落牛味亦很濃。西京豬頸肉串 ($22)，豬頸肉燒得好香口，肉質富彈性，腍中帶爽，嫩而不柴，醬汁味道帶甜，配豬頸肉吃，分外惹味。汁燒黑豚荔枝卷 ($28/4粒) 燒過的黑豚油份甘香撲鼻，肉質鬆軟細嫩；荔枝的清甜亦有助融化黑豚嘅油膩感，很不錯的配搭，令人一吃難忘！燒三文魚腩 ($68)，魚腩非常厚身，外皮燒得很香脆，魚肉柔潤肥美，魚油相當
早幾日約咗朋友喺北角交收，趁空檔過嚟錦屏街行下，發現路口新開咗間「八目燒」串燒專門店，好友一向愛嚐新，所以即時訂咗檯，邀請她一起來晚飯相聚。
餐廳面積不大，裝潢簡約，以紅黑色為主調， 牆上掛了一大幅製作得很嘅精美世界地圖， 個性十足，盡顯店主心思。
先細看餐牌，串燒選擇都幾多，有肉類、海鮮、蔬菜，另外仲有沙律、前菜、刺身、刺身丼、唐揚、日式飯漢堡、日式意粉、拉麵、烏冬及燒肉爆丼等供應。
我哋揀咗五款串燒，另外再加咗一客鰻魚爆丼。
幾款串燒同時上桌，先試下鹽燒牛舌串 ($28)，牛舌選用了牛脷芯最靚的部位，入口鹹度啱啱好，唔會燒到好乾，保留了牛的肉汁，而且食落牛味亦很濃。
西京豬頸肉串 ($22)，豬頸肉燒得好香口，肉質富彈性，腍中帶爽，嫩而不柴，醬汁味道帶甜，配豬頸肉吃，分外惹味。
汁燒黑豚荔枝卷 ($28/4粒) 燒過的黑豚油份甘香撲鼻，肉質鬆軟細嫩；荔枝的清甜亦有助融化黑豚嘅油膩感，很不錯的配搭，令人一吃難忘！
燒三文魚腩 ($68)，魚腩非常厚身，外皮燒得很香脆，魚肉柔潤肥美，魚油相當豐富，入口帶陣陣魚脂香，鹽亦灑得夠均勻，鹹度恰好，絕對值得 encore。
蒜蓉燒茄子 ($28)，茄子以原條上，面頭鋪滿蒜蓉同蔥花，外皮有部份燒至微焦，茄肉嫩腍入味，食落一啲都唔乾，鹹鹹地，味道啱啱好。
壓尾個蒲燒鰻魚爆丼伴溫泉蛋玉子 ($98) 味道亦唔錯，個丼飯造型雖然唔算好震撼，但其實材料亦落得頗手鬆，幾乎滿到瀉，飯面鋪滿一片片的鰻魚肉，而頂頭就放咗一隻溫泉蛋，光是賣相就已經夠曬吸引。
鰻魚入口啖啖肉，肉質細嫩肥美，加上沾滿日式蒲燒醬汁，令人回味無窮。戳破溫泉蛋，蛋白僅熟，蛋黃杰身，用來拌飯吃一流。
埋單唔使 $300，新張期內，餐廳暫時不設加一，非常抵食。
張貼
