影片
更多
2018-02-06
440 瀏覽
長沙灣搵到間小清新食店，以茶作為主題，原來已經開左一段時間，真係冇乜留意到，今日放假專登早少少過來一試。喺順寧道一直行，兩邊都未見到tea hub，行到街頭，亮眼門面就映入眼簾，單單係門面已經夠小清新了吧，唔講真係唔覺得自己身處長沙灣。餐廳揼左本去裝潢方面，尤其是門外嘅位置，十足cafe，坐喺裡面望向街外，你看我看你，感覺悠閒店內風格統一，燈光明亮，木枱木椅，真文青，有洗滌心靈嘅感覺，來過你就知我冇誇張，因為店內播放嘅都係小清新音樂，非常舒適小店位置唔多，未到晚飯時間，可能好多客人下午茶，所以都幾滿，我地好快坐低左。收銀位置有甜品櫃，放左好多是日蛋糕。款款都好吸引。餐牌都係圍繞「茶」，無咖啡因嘅博士茶、洛神花茶、果茶，晚上飲用都唔怕瞓唔著覺；烏龍、紅茶、特色嘅泰式奶茶等都有。除左可以嘆茶，仲有有正餐、輕食，以茶入饌嘅茶漬飯、茶漬麵、菇菌、豆腐、小食，意大利包、沙律、窩夫、雪糕等，配合主題，都係非重口味食品。如果平時食開重口味打邊爐、燒烤多，不妨搵個假日，來呢度等自身同腸胃都輕鬆一下茶食套餐，價錢78蚊，包括有蔬菜沙律/冰鎮洛神花車厘茄；主食飯/麵；兩款小食；錫蘭紅茶/洛神花茶（轉其他飲
小店位置唔多，未到晚飯時間，可能好多客人下午茶，所以都幾滿，我地好快坐低左。收銀位置有甜品櫃，放左好多是日蛋糕。款款都好吸引。
餐牌都係圍繞「茶」，無咖啡因嘅博士茶、洛神花茶、果茶，晚上飲用都唔怕瞓唔著覺；烏龍、紅茶、特色嘅泰式奶茶等都有。除左可以嘆茶，仲有有正餐、輕食，以茶入饌嘅茶漬飯、茶漬麵、菇菌、豆腐、小食，意大利包、沙律、窩夫、雪糕等，配合主題，都係非重口味食品。
如果平時食開重口味打邊爐、燒烤多，不妨搵個假日，來呢度等自身同腸胃都輕鬆一下
茶食套餐，價錢78蚊，包括有蔬菜沙律/冰鎮洛神花車厘茄；主食飯/麵；兩款小食；錫蘭紅茶/洛神花茶（轉其他飲品加6蚊）
雖然喺區內可能價錢稍高，但呢類食品來講，卻係差不多，畢竟係較有心思、較有特色、較健康。
我地點左兩份茶食套餐，整體味道都相當唔錯，亦令人期待小店日後嘅其他餐單
蔬菜沙律、冰鎮洛神花車厘茄：
茶漬飯：
茶漬飯都係一款我經常食嘅食品，我喺某吉列牛專門店經常點，清淡點，健康點。如果平時食得多垃圾食物，偶然來一客茶漬飯/麵，都係美事。
呢度嘅茶漬飯湯頭夠熱，份量剛好夠一碗飯，加上飯素，好香口，簡單美味，完全唔會油膩
茶漬麵：
茶漬麵嘅湯感覺比飯更加香茶味，麵條份量適中，文青就係唔洗飽肚的，而且點套餐仲有小食，即使係男士，都會剛剛好
香茅薑茶脆魚塊、烏龍茶雜菇：
魚塊味道清新，切成小塊，唔會厚粉陸但入口香脆；雜菇茶香清淡，只係要盡快食用，否則啲餸菜其實好快凍哂，變相爭咁份溫飽感。
紅茶雞翼、茉莉花豆腐：
雞翼、豆腐都係經常用到嘅食材，估唔到都可以加入茶，雞翼大大隻，灑上芝麻特別香口。茉莉豆腐係幾款小食中茶香最出眾，而且面頭有少量茶渣，顯得茶味更明顯，由飯到麵都很清淡，而且感覺非常健康，還原食物原本嘅味道
玫瑰烏龍茶：
茶具都相當精緻，附上3分鐘漏斗，夠鐘就飲得，細心安排，唔怕客人過左沖泡時間，又或者未沖夠就飲左。
綠茶鮮奶：
呢個係網上見過介紹，所以照辦煮碗跟住點，做法特別，係香港未喺其他餐廳試過自己動手沖。
鮮奶同抹茶粉會分開上，附上茶筅，親手搞勻，加入奶前，可以先試下抹茶最原本嘅味道，因為外面飲太多抹茶都唔係純正，又或者有添加。
今次試到抹茶原味，偏苦甘，甜度低。然後加入奶中，待沉澱後會有漸層效果，抹茶味香濃，甜度唔高，抹茶控應該收貨
呢度嘅甜品都不容錯過，是日供應幾款我都覺得好吸引，其實我有食過桂花豆腐芝士蛋糕，覺得非常好食；所以今次就即管試埋其他款式。
藍莓益力多芝士蛋糕 32：
我又搵多款啱食嘅芝士蛋糕喇！size都唔細，藍莓慕絲同芝士蛋糕比例半半，裡面仲有明顯藍莓粒，食落滑溜濕潤。
唔係紐約芝士硬堀堀果隻，係軟身口感，非常好食。益力多味都明顯，完全唔膩，又唔會太酸太甜。餅乾底仲係我至愛
試一件又點會滿足，我地點埋小店自家製出品，係期間限定嘅忌廉抹茶戚風蛋糕。
忌廉抹茶戚風蛋糕 55：
戚風都幾大件，一共兩層，中間抹有忌廉，面頭加少少紅豆，碟邊都有抹茶粉，賣相好吸引。
紅豆蓉唔會太甜，忌廉亦很香滑，蛋糕嘅抹茶味道就唔太明顯，可能我食得多出邊啲加工野，食壞左條脷。
蛋糕口感鬆軟綿密，加埋忌廉一齊食，都完全唔會覺得乾
張貼
