真台客 (已結業)

荃灣嘅台灣菜都唔少，路德圍已經有兩三間，呢間真台客算係入邊比較高質嘅。平時多數食佢哋嘅便當或者台灣麵，因為覺得大件夾抵食。今次去嘅時候唔係太肚餓，所以決定試吓佢哋嘅輕食。蚵仔麵線我覺得佢係還原到80%嘅台灣味道，落蒜蓉係重點。麵線唔會太腍，蚵仔都好新鮮，整體來講交足功課。台式臭豆腐臭豆腐最緊要係外面脆，入面有臭豆腐嘅香味，一上枱已經聞到。佢原則上還原左台灣臭豆腐嘅味道，真心好好食。以後應該會再叫。