謝謝儂 (V City) (已結業)

宜家為左慳口罩，好少出街，幾乎日日留係屋企，一星期出得一日，既然出開黎入貨，就順便食埋先返去啦。老公突然想食上海野，就入左黎食。一入去見到啲姐姐都係咁抹，俾人感覺注重衛生，食得都安心啲。同埋好闊落，唔會同隔離枱好近。食上海野梗係要食小籠包！小籠包唔算皮薄，所以無一夾就穿既問題，湯汁大約有三分一度，粒肉餡有鮮肉味，唔錯～但如果皮可以薄啲就更好。見到有張menu係全份都蟹粉，俾佢個蟹粉黃金炒飯吸引左，果然無揀錯，每粒飯都金黃色，粒粒分明，有啲爽脆青瓜粒同蟹膏，唔會太油膩👍🏻👍🏻值得一試蘆筍炒百合呢個組合比較少見，咁啱兩樣我都鍾意食，百合清甜，蘆筍爽脆，夾埋啲炒飯食又好夾！排骨湯麵湯底較清淡，麵質好滑，排骨炸得酥脆，唔會太乾太油，$58幾抵食！