茶啡檔

營業中

休息中

今日下午我們約咗個好朋友去粉嶺聯和墟嘅「T Cafe」飲下午茶！我們叫咗鷄翼撈丁嘅丁麵就煮得腍身咗啲，唔係好彈牙，而且啲醬汁多到好似係湯撈丁咁，至於鷄翼就雖然相當入味，但就好似中咗「化骨綿掌毒」咁，祇要輕輕力一夾起，就會睇到咩叫做「粉身碎骨」，認真嚇人呀！所以肉質就當然會極之「粗嚡」啦！炸魚雜果沙律炸得都幾金黃香脆，炸粉唔算好厚身，魚肉嘅肉質都幾結質彈牙，至於雜果就相當新鮮，唔會好似擺放咗好耐咁！迷你公司三文治個名叫迷你，但出到嚟嘅實物就一啲都唔迷你，因餡料嘅份量相當足料豐富，而且亦都好新鮮熱辣，當中我們最欣賞嘅係鷄蛋，因非常厚身！