大少燒味茶餐廳 (已結業)

自問自己對食物要求唔高，但都總括認為呢個野都頗差下，無乜人果陣都可以漏單不說，唔催唔上菜，一催又重覆上菜，上菜D 野食好咸，好似好重味精咁，又勁油，啖啖都是油，明明是炒菜，碟碟都是濕炒，水定油分不清，總之又咸又濕，好在送野飲又送白飯，唔係食唔落，價錢唔算平，鐘意食勁咸既人應該覺得okay，起碼炒菜既質感都是爽口既...。

詳情是咁:
九點幾同兩老食晚飯諗住試下呢間新野，間野好大，無乜人，好空鄺，員工都好似好閒會吹下水望落幾人情味既，點左個芹菜雲耳炒蓮藕，梅菜煎黃立倉(見台台都食), 清炒生菜，竟然叫小菜送野飲，所以叫左一杯熱啡，熱OT, 一碗湯(是晚得霸王花湯)，因為無酒牌覺得有點可惜，叫完玩下電話等食，一等就半個鐘...諗住唔通即叫即整咁好?... 隔左5分鐘左右見唔對路，決定問下侍應，「想問下係咪漏單，野食未上，飲品都應該有?」問完即刻有野飲，好快就上菜，仲上完又上...然後來左三碗白飯，我地問侍應我地無叫白飯喎，佢係咁話岩呀...我話但我地無叫...佢睇一睇張單...你地叫左三個菜呀嘛...我話但我地無叫白飯... 佢先講三個菜跟三個白飯喎...🙄原來送既...咁我地要一碗得啦唔該!...然後一路食一路覺得d 野好咸，唔怪得送白飯又送野飲...勁咸... 唔食白飯其實一杯野飲都唔夠...但實在間野唔平... 好在既是原條魚上但條魚唔算腥(本人頗怕腥)，魚肉最唔咸囉... 但唔算好食，然後d 蓮藕芹菜都爽口既，超極勁咸...，生菜無乜味...清炒可能先係咁淡... 梅菜果d其他都好咸真係...驚左...藍田選擇都算多，應該唔會回頭...:(