影片
更多
2012-10-02
9 瀏覽
大家好, 我第一次寫食評,不過今次我唔係想同大家分享呢間拉麵店既食物質素, 而係員工既態度!!!件事係發生係今日下晝兩點幾, 絕無老作.早前經過呢間拉麵店時曾經都有衝動想去試下, 適逢响團購網度見到呢間拉麵店做緊 '$35享用櫻花蝦味噌王拉麵' 優惠,不過睇真d細則, 佢寫明只可以星期一至五 2:00PM - 5:00PM先可以用, 但係就無列明公眾假期唔用得, 於是我買團購券之前就打左電話去九龍灣分店度問清楚十月一日或十月二日呢兩日公眾假期可唔可以用呢張優惠券, 當時拉麵女員工係答我可以用, 所以我先決定買兩張團購優惠券打算同我女友今日去試.今日下晝我同女友去到拉麵店, 一坐低時即刻示意員工我想用團購優惠券, 不過果位女員工答我話負責人表明今日係公眾假期所以唔可以用, 並且仲即時搵左果位負責人出黎同我傾. 之後我就嘗試同果位負責人理論, 因為的而且確我係買團購券之前有問清楚佢地今日用唔用得先買, 可惜果位負責人態度極之差咁答我 '我地d員工無可能會咁答你, 而且你諗都諗到呢個餐咁平, 都無可能會係公眾假期俾你用啦!!' 之後佢仲講 '你可以去投訴團購公司架, 我勸你打去團購公司退錢,
不過今次我唔係想同大家分享呢間拉麵店既食物質素, 而係員工既態度!!!
件事係發生係今日下晝兩點幾, 絕無老作.
早前經過呢間拉麵店時曾經都有衝動想去試下, 適逢响團購網度見到呢間拉麵店做緊 '$35享用櫻花蝦味噌王拉麵' 優惠,
不過睇真d細則, 佢寫明只可以星期一至五 2:00PM - 5:00PM先可以用, 但係就無列明公眾假期唔用得, 於是我買團購券之前就打左電話去九龍灣分店度問清楚十月一日或十月二日呢兩日公眾假期可唔可以用呢張優惠券, 當時拉麵女員工係答我可以用, 所以我先決定買兩張團購優惠券打算同我女友今日去試.
今日下晝我同女友去到拉麵店, 一坐低時即刻示意員工我想用團購優惠券, 不過果位女員工答我話負責人表明今日係公眾假期所以唔可以用, 並且仲即時搵左果位負責人出黎同我傾. 之後我就嘗試同果位負責人理論, 因為的而且確我係買團購券之前有問清楚佢地今日用唔用得先買, 可惜果位負責人態度極之差咁答我 '我地d員工無可能會咁答你, 而且你諗都諗到呢個餐咁平, 都無可能會係公眾假期俾你用啦!!' 之後佢仲講 '你可以去投訴團購公司架, 我勸你打去團購公司退錢, 老實講呢個餐唔好食架', 聽佢咁講真係火都黎! 講真, 團購公司無寫清楚d細則固然係唔岩, 不過即使我係投訴我都會投訴呢間拉麵店先!! 我俾佢d員工呃左我買團購券之餘, 個負責人d態度簡直係趕客! 自己身為負責人居然話 '呢個拉麵餐唔好食, 我建議你都係退錢' 既然佢自己都咁講, 我就唯有寫出黎同大家分享下!
呢間服務態度咁差既拉麵店, 真係請我都唔會去!!!
張貼