日常冰室 (MONTEREY Place)

咁啱去一去朋友屋企，又見肚餓喎！即刻去食返個下午茶先！見到附近有間日常茶室！見到幾乾淨餐牌又幾吸引！就一於去試吓！下午茶茶餐都選擇好多！見到有款寫住"懶矜貴黑松露炒蛋多士"就比個名吸引咗，因為本身我係黑松露控！ 有黑松露嘅嘢就好好食！所以就叫咗呢個，試一試先！

首先個多士幾厚！夠晒鬆軟！炒蛋夠晒滑！好香！雖然黑松露好似好多！但係味道唔算突出！唔夠融入喺個炒蛋入面！雖然有啲扣咗分，但係整體都不錯！係會再食嘅！始終39蚊實在太平喇！仲要包野飲！外賣自取仲有折添！
唔記得讚一讚佢哋嘅服務員工相當有禮貌！唔係一般茶餐廳嘅粗聲粗氣！下次一定會再來幫襯！試埋其他款！

麵包好厚好鬆軟  炒蛋夠滑

$39