影片
更多
2005-04-17
13 瀏覽
食左成個禮拜粥突然好想食雲吞麵今日捉埋朋友仔陪我去食兩個人叫左雲吞麵，牛腩麵，芥蘭，淨水餃雲吞麵～麵幾彈牙，亦無乜鹼水味，但個人喜好都係鍾意河粉多d；而雲吞真係得蝦o係入面，好似有兩三隻左右，d蝦都有鮮味，幾好食，比起十蚊一碗o個d波子咁大既無味雲吞真係無得比牛腩麵～偷食左朋友件牛筋，幾淋又入味，但係牛腩就un左少少，好黐牙，見朋友仔都因為咁而食剩左d芥蘭～十蚊一碟得好少，真係貴左d，幸好都幾新鮮淨水餃～水餃同雲吞既分別係水餃有埋冬菇粒，筍粒同肥豬肉粒，口感比雲吞豐富，但個人都係鍾意雲吞多d想飲野但只得汽水，我放棄左幫襯，都係食完野過隔離買好過，朋友仔要左支忌廉，係傳統樽裝，但要８蚊，都幾貴(味道俾4分係俾雲吞同水餃咋!)
突然好想食雲吞麵
今日捉埋朋友仔陪我去食
兩個人叫左雲吞麵，牛腩麵，芥蘭，淨水餃
雲吞麵～麵幾彈牙，亦無乜鹼水味，但個人喜好都係鍾意河粉多d；而雲吞真係得蝦o係入面，好似有兩三隻左右，d蝦都有鮮味，幾好食，比起十蚊一碗o個d波子咁大既無味雲吞真係無得比
牛腩麵～偷食左朋友件牛筋，幾淋又入味，但係牛腩就un左少少，好黐牙，見朋友仔都因為咁而食剩左d
芥蘭～十蚊一碟得好少，真係貴左d，幸好都幾新鮮
淨水餃～水餃同雲吞既分別係水餃有埋冬菇粒，筍粒同肥豬肉粒，口感比雲吞豐富，但個人都係鍾意雲吞多d
想飲野但只得汽水，我放棄左幫襯，都係食完野過隔離買好過，朋友仔要左支忌廉，係傳統樽裝，但要８蚊，都幾貴
(味道俾4分係俾雲吞同水餃咋!)
張貼