四寶食堂 (已結業)

去咗波鞋街買行山鞋，見到四寶食堂好多人排隊，二話不說排埋一份。餐牌好多嘢揀，由於最近開始咗生酮飲食，所以咁多選擇真係啱曬我。叫咗三式雞翼派對，有泰式冬陰功味、凱撒芝士味同埋鹹蛋黑松露味，每款四隻，總共一打，三款都好嘢野味，啱曬重口味嘅我，雞翼炸到啱啱好，入面仲有肉汁、嫩滑，我最鍾意食冬陰功味，夠辣，好正。叫咗招牌菜：喜哥蔥油豬扒，真係好好食，豬扒好嫩，而又食唔到梳打粉味，大大推介！瑞士雞髀，個瑞士汁好好味，雞髀好入味，可惜時間煮耐咗，如果時間控制得好啲就perfect。食咗咁多肉，唔係幾好，所以叫返個到煙三文魚沙律，沙律菜好新鮮，爽口，煙三文魚個份量都幾多，嗰汁又夠清新，將呢一餐劃上完美嘅句號！