大本瀛日式放題

真係好期待呀！之前同朋友約左好耐的放題聚餐，十分之開心終於食啦！
今次選擇左旺角既餐廳！係2小時大放題！！
回本位置一定係刺身位啦！


有希靈魚，三文魚腩，吞拿魚，甜蝦
帶子，泰國菜式生蝦，全部都十分新鮮，完全唔會有海鮮既腥味，仲有甜蛋都係度入面
估唔到今日仲有赤貝，立即覺得超抵食！呢D仲要全部都係任食位黎！泰國菜式生蝦附帶左好香酸甜的醬汁，點起身食好開胃呀！

除左刺身，呢間店仲有泰國，東南亞既美食，
日式既炸揚物，吉列蠔，同炸餃子好香口！
再叫左個辣汁煮螺，香味濃郁！！最終再叫左個火鍋！有大蝦，青口，帆立貝！仲有我最鐘意既肥牛片！