丼吉日式吉列豬排專門店 (彩星集團大廈) (已結業)

本身都無諗住寫呀~ 不過尋日有朋友又去過食，同我既遭遇係一樣，所以都係要寫下，果日同朋友突發式既想去食，都諗住要等位架啦，因為都成7點30呀，以我既經驗應該都要1粒鐘啦，點知去到唔使等，order左完野之後，侍應姐姐好有禮貌咁同我地講野食係需要等15~20分鐘架，跟住我就磨下d芝麻做醬啦，5分鐘之後，我地既兩個定食就到啦，真係5分鐘，開動既時候所有吉列既食物只不過係暖既，而唔係arm arm炸既~(即是我覺得係一早整定左啦)，最離譜就連個白飯都係暖既，到我再添果一碗反而係熱喇喇呀。就係好失望下﹐成差唔多200蚊既一個定食，可能好似mac記廚房咁係睇order 紙執比你呀。o係尖沙咀店食左幾次，每一次比每一次食物黎得快，連收你既野都快，各侍應姐姐都有個walkie talkie，一見倒你食完就即收野，跟住都未收好野，又黎西瓜lor。效率真係犀利~~~~