老點點心竹筒飯 (已結業)

我應該都唔會再來。本身係見好多人話好食先霖住試下。首先,一入去見到咁多人,d位咁窄已經心知不妙。窄到一個點係,d人要位呢,d職員要成張枱抆出來先可以比人入到去。不過如果d野好食都唔係問題既。咁好啦,就叫左灌湯餃,蝦腸,竹筒飯,生菜同埋牛肉球啦。灌湯餃同個飯其實係唔錯既,最正常係哩两樣。 蝦腸其實都足料既,好多蝦,但係一食就覺得出事。點解呢?因為個腸粉係唔滑而且厚粉,一食成啖粉。講真,係我食過最厚粉既腸粉,仲衰過一般酒樓,但貴過一般酒樓。好啦,食牛肉球啦,個牛肉球都唔係咩難食,但死就死在d汁。我朋友本身對食冇咩要求都話:嘩,咩來嫁== 哩到所有野都係貴過酒樓,但唔係樣樣值咁既價錢。而且好焗又熱,食食下都有人叫員工開大d冷氣。但個員工就叫佢開門。。。。我呆曬。我唔知咩原因d冷氣會細到咁啦,但係其實真係焗。我都知香港地樣樣野都貴,但冇理由冷氣都唔開得大d掛==所以我一食完就同朋友話以後都唔會來。