影片
更多
2005-01-04
18 瀏覽
想o黎依間好耐o架喇，終於有機會喇~ 今晚捉o左一位識o左唔算耐，但好好傾o既朋友o係度食飯~一揭開menu見promotion期內，order set dinner送果汁/紅酒/白酒一杯，再望望set dinner menu, 4-course for 2 $58X, 有appertizer platter, 湯，sherbet, 主菜，甜品同咖啡，咁多o野食唔算貴呀~ 咁就order o左個4-course set dinner for 2~ (佢有6-course for 2, $7XX, 但菜式唔夠4-course吸引, 都幾難吸引人order啦) 另外加$108就有多客煎鵝肝~ 再加多一杯house wine~送o既紅酒係merlot, 都ok喇~appertizer platter - 見waiter拎o黎時幾大碟，以為係兩個人一齊share一碟，點知係一人一碟，就覺得個餐真係幾抵- 生蠔(失望o既貨式)，parma ham配哈密瓜(個ham幾香)，smoked salmon(OK), 翡翠螺(幾甜喎)，一種唔知咩o既魚兩件(依個好好食呀，我想睇番menu睇o下係咩o黎，但
一揭開menu見promotion期內，order set dinner送果汁/紅酒/白酒一杯，再望望set dinner menu, 4-course for 2 $58X, 有appertizer platter, 湯，sherbet, 主菜，甜品同咖啡，咁多o野食唔算貴呀~ 咁就order o左個4-course set dinner for 2~ (佢有6-course for 2, $7XX, 但菜式唔夠4-course吸引, 都幾難吸引人order啦) 另外加$108就有多客煎鵝肝~ 再加多一杯house wine~
送o既紅酒係merlot, 都ok喇~
appertizer platter - 見waiter拎o黎時幾大碟，以為係兩個人一齊share一碟，點知係一人一碟，就覺得個餐真係幾抵- 生蠔(失望o既貨式)，parma ham配哈密瓜(個ham幾香)，smoked salmon(OK), 翡翠螺(幾甜喎)，一種唔知咩o既魚兩件(依個好好食呀，我想睇番menu睇o下係咩o黎，但掛住傾唔記得o左)同少少沙律菜~
湯- 我o地兩個都要蟹肉濃湯，好濃好滑，好正~ 加o左d洋蔥碎，有d咬口，唔錯!
煎鵝肝- 兩件，厚度o岩o岩好(好唔鍾意d餐廳切得太薄，煎鵝肝就係要食外面脆中間半溶o既口感，切得太薄點食到呢?)，味夠濃，配埋berry sauce, 正~
Sherbet - 係橙味...唔係，應該係綠寶味先真~ texture似碎冰堆多過sherbet~
朋友o既主菜法式油鴨胸- 鴨胸醃得好香濃，個sauce配合得唔錯!
我o既主菜燒羊架medium rare - 一客三件~ 真係medium rare, 羊肉呈淡紅色，肉質好tender好juicy! 配埋好好味o既sauce, 正~
Souffle - 一向對依個甜品無咩興趣，但外形夠高夠靚，味道都ok喇~
咖啡- 敗筆.... 好水，無咖啡味，得個苦字~ 飲o左少少就放低.....
發覺依度o既sauce做得好好，味道好能夠配合食物本身o既味道，唔會太搶又好味~
仲有一樣想讚o既係沙律菜好新鮮~ 可能你會覺得依樣好簡單做到，但偏偏好多高級餐廳做唔到.....
Service唔錯~
依度絕對係o岩拍拖o既餐廳~ 但係佢o地播o既音樂，雖然係慢板音樂，但太耳熟能詳啦，有d俗，如果櫬番間餐廳播法國歌/音樂就好好多~ 仲有去洗手間條路應該執執佢，唔好好似茶餐廳咁.....
本來係我請，但朋友o係我去洗手間時埋o左單，真係唔好意思.... (所以唔知幾錢埋單) 多謝晒呀~~~~ ^o^
張貼