專業咖喱皇 (已結業)

唔知係咪天口熱嘅關係, 師傅呢排好鍾意食辣野, 特別係咖哩, 心諗食多d係咪可以去濕呢? 於是昨晚放監後, 就去搵下有咩咖哩好食, 最後揀左呢間食店, 皆因師傅由始至終都未黎過!入到去地方唔算大, 人亦唔算多, 一坐底師傅即刻睇下有咩食, 最後睇見有好多唔同地方嘅咖哩, 例如印度, 馬來西亞, 英國等等...... 正當師傅考慮緊要咩好時, 一位年過半百嘅叔叔行埋黎問師傅要咩, 而師傅見機不可失即刻問下叔叔咁多唔同國家嘅咖哩, 到底有咩分別? 而呢位叔叔嘅回答真係妙到豪顛, 佢話當然有分別啦, 有印度啦, 馬來西亞, 英國啦度度都唔同架..... 師傅當時真係O晒咀, 師傅覺得除左可以笑之外, 最後還是笑!既然冇答案, 師傅就柯打左個印度咖哩牛肉飯, 點知位叔叔猶豫左一陣話, 不如要牛腩啦, 師傅覺得奇怪, 莫非牛腩冇人食, 而家要速銷? 咁是但啦, 點知位叔叔話牛肉賣晒, 而家嗰d唔腍喎, 於是師傅就要左印度咖哩牛腩飯, 要中辣!等左一陣印度咖哩牛腩飯就上枱, 先睇下咖哩, 賣相真係幾得, 而且幾香, 再試一啖發覺味道偏咸, 起初師傅覺得味道唔吸引, 點知食下食下就越食越辣, 而且辣