阿爺八鮮鍋 (已結業)

老豆生日，想食海鮮，所以去了附近的阿爺八鮮鍋。每位三百幾蚊可以任食多款海鮮，性價比高，鍾意食海鮮既朋友就要一試。猴頭菇鮑魚螺片湯用了烏雞、螺片、姬松茸等熬製而成，完全無味精，味道鮮甜濃郁。避風塘茄子炸得香脆粉漿又夠薄。刺身拼盤除了有油脂甘香的三文魚、鮮甜海膽及蝦外，like & share 社交平台還送上𩶘魚刺身，鮮甜爽口。雞煲老人家唔食辣，所以食原味，雞件份量很多，入口啖啖肉，不過比較油膩。海鮮拼盤除了龍蝦、扇貝及指定鮑魚是一次性供應外，全部海鮮都是任食，鮑魚新鮮生猛，入口很腍，龍蝦有膏，味道鮮甜彈牙，扇貝鮮味。任食方面，鮑魚真是要必試，質素絕對有驚喜，基本上所有海鮮都很新鮮，即叫即大劏，味道鮮甜。肥牛肉味濃郁有咬口，色澤鮮艷，肥瘦均勻。手打蝦丸及墨丸都唔錯，尤其是蝦丸啖啖蝦肉。另外加$20有任飲啤酒汽水。