B&S 西班牙小食坊 (已結業)

在觀塘跟朋友們想隨便搵個地方食晚飯，大商場的連鎖食肆都已經食到厭，咁岩醒起之前係格黎東商場有d食Burger或者小型咖啡店，所以走過去睇下，誤打誤撞之下見呢間個menu幾靚就坐底try try啦。點知，有驚喜 分別叫左以下幾個菜式：西班牙走地春雞($108)、烤西班牙黑毛豬（爽）梅肉扒($128)、西班牙一口牛($70)、黑毛豬金菇卷($25)、西班牙海鮮飯（2人）($198)。所有肉類都醃得好好味同埋好Juicy，你會食得出材料係靚野唔係求其俾d雪藏肉你食。完全估唔到係個細商場入面會食到咁高質素既西班牙菜！但留意返，店面好細坐唔到太多人，仲要坐出商場範圍少少。同埋等餐時間都比較耐。同埋有d菜式Menu上係話要預訂（雖然個海鮮飯Menu上話要預訂但最後都唔駛）。