東海堂 (已結業)

因為推廣期買一送一，原價$36杯特濃抹茶沙冰，只要半價就飲到，超抵，因為去甜品店order, 起碼都四、五十蚊杯。其實沙冰係一種挑戰健康既飲料，已經用冰打碎，部份款式仲要加好多糖水。但東海堂既用料比較真實，應該用上真鮮奶，再落抹茶粉，加冰打碎，最後落cream & 朱古力醬，好過只係一埋化學劑調出黎既冰品。糖水亦唔算重手，因為碎冰溶左一半後再飲，甜度亦可接受。最緊要係用上的宇治抹茶粉非常足夠，好有茶既回甘，重點係身體弱既本人，飲完一定頭暈，證明係堅多抹茶成份。等到推廣優惠先飲一次，當獎勵自己亦不為過，不過女士們都係少飲為妙。