影片
更多
2017-12-02
1587 瀏覽
和三個朋友相約在銅鑼灣見面，天氣剛好驟降🌬打邊爐暖身就最適合不過🙋🏻♀️ 在鵝頸橋打小人附近的冠景樓 ，向來是火鍋店的集中地，最近有新餐廳加入 - 來一鍋，我們當然要試一試，看這位新力軍有咩特別之處先🍴有別於一般的火鍋店🔥 店內的設計別出心裁，仔細看就會發現天花懸掛的吊燈是地球🌍同單車，裝潢則以藍色及白色兩種柔和色系為主，給人一種光猛簡潔的感覺，而且掛上聖誕裝飾更有氣氛❄️飲品是任叫任飲，款式超過20款，有我鐘意的韓國飲品🥤 如果有埋烏龍茶或者健康飲品好似竹蔗茅根、夏枯草就更好🙆🏻♀️隆重介紹是晚重點：海鮮火鍋套餐$368（開飯網有75折優惠～～～著數好多🤭)先來兩碟前菜 - 手拍青瓜及四川麻辣木耳，青瓜清爽，木耳爽口帶微辣，很適合打邊爐前醒醒胃😋調味醬整齊地排列，可以自行調配混在豉油中火鍋湯底總共有10款湯底任君選擇，嗜辣的朋友有冬陰功海鮮湯、喇沙海鮮湯、湖南香辣牛肉鍋等選擇，仲可以簡辣度配合客人不同口味，鐘意濃湯既可以選印度椰子雞鍋、胡椒豬肚湯，而我們就簡左花膠螺頭雞湯，有紅蘿蔔🥕紅棗，螺頭，花膠等材料熬製，湯頭鮮甜非常，而且很足料，未打邊爐我同朋友已經忍吾住杯左碗黎飲🤤套餐每2位包
有別於一般的火鍋店🔥 店內的設計別出心裁，仔細看就會發現天花懸掛的吊燈是地球🌍同單車，裝潢則以藍色及白色兩種柔和色系為主，給人一種光猛簡潔的感覺，而且掛上聖誕裝飾更有氣氛❄️
飲品是任叫任飲，款式超過20款，有我鐘意的韓國飲品🥤 如果有埋烏龍茶或者健康飲品好似竹蔗茅根、夏枯草就更好🙆🏻♀️
隆重介紹是晚重點：海鮮火鍋套餐$368（開飯網有75折優惠～～～著數好多🤭)
先來兩碟前菜 - 手拍青瓜及四川麻辣木耳，青瓜清爽，木耳爽口帶微辣，很適合打邊爐前醒醒胃😋
調味醬整齊地排列，可以自行調配混在豉油中
火鍋湯底總共有10款湯底任君選擇，嗜辣的朋友有冬陰功海鮮湯、喇沙海鮮湯、湖南香辣牛肉鍋等選擇，仲可以簡辣度配合客人不同口味，鐘意濃湯既可以選印度椰子雞鍋、胡椒豬肚湯，而我們就簡左花膠螺頭雞湯，有紅蘿蔔🥕紅棗，螺頭，花膠等材料熬製，湯頭鮮甜非常，而且很足料，未打邊爐我同朋友已經忍吾住杯左碗黎飲🤤
套餐每2位包一碟肉 ，我同朋友們都是牛魔王所以兩碟都叫哂手切安格斯Prime Grade 牛頸脊肥牛片，完全無簡錯🧛🏻♂️ 色澤已經很美，紋路清晰可見，雪花分布平均，只要輕輕涮幾秒，完全是入口即溶，肉質軟腍且濃郁的牛味👍🏻很高質素！
即炸魚皮拼響鈴，響鈴超大條，由於即叫即炸既關係，很新鮮鬆脆，食落沒有很重的油膩感，魚皮炸到脆卜卜，無論就咁食定涮一下都很好吃🤫
登登登✨
主角出場啦👏🏻👏🏻👏🏻 海鮮拼盤絕對是輸人不輸陣，拼盤是視乎當日時令作安排，當晚海鮮有海蝦，鮑魚，有殻蠔，扇貝，象拔蚌同珍珠蚌，全部都是新鮮即劏冰鎮上枱，絕對是鮮味·回本之選🤟🏻
海蝦超大隻，蝦肉爽口彈牙，🦐蝦頭仲有蝦膏，鮮甜甘香🤩 鮑魚同樣鮮味，記得要睇住涮既時間，如果涮太久變擦子膠就吾好食啦
主菜其實已經好豐富，有手工餃類、手工雲吞、同手工丸類，最特別既係手工豬肉釀鮮菇同手工墨魚釀豆卜🦑 將傳統既火鍋食材結合，變成創新既配料，口感層次更豐富🤤其實這個套餐已經夠飽，可以點些蔬菜平衡下，推介時令的豆苗同蕃薯苗🌱 建議食完不夠飽先再點其他火鍋配料
食飽飽打算埋單之時，經理提我們仲有甜品，當晚既甜品係心太軟😈 由於即叫即焗所以要等大約十五分鐘⏱
心太軟是迷你版，吾洗怕太膩食吾哂，外皮因爲即焗既關係，邊邊焗至脆脆的，一切下去軟心的朱古力漿湧出，朱古力味濃郁🍫而且餐廳對食物質素頗有要求，其中有個心太軟焗得不好，店員叫我們食住先，廚房再焗緊一個比我們！還主動為我們奉上熱茶🍵 光看這點就值得加分👨🏼🍳
價錢雖然較高，但是一分錢一分貨，用料絕對不馬虎，店員服務周到，沒有漏單而且不時幫忙換碟，重點是座位闊落，同朋友坐得舒舒服服咁傾足成餐，走個時經理仲介紹佢地的獨立房，環境寬敞有埋氣球佈置🎈黎緊成班人開聖誕派對聚會就吾洗再傷腦筋🧠
張貼
