穴 (新城市廣場一期)

營業中

休息中

收工約了表妹一齊晚餐，就大家方便在沙田搵食，選擇好多，最後揀咗呢間日本菜，表妹入座先，去到見半人高圍牆，場內燈光暗，同出面商場人來人往好大差別，桌椅唔迫，店員努力推薦是日海鮮，不過我同表妹對鮮魚一般，所以揀自己喜歡嘅菜式！食物陸續到！海葡萄海草沙律（$68）上次同肥髀在另一分店食過，味道幾特別，今次食一樣喜歡，喜歡海葡萄嘅粒粒口感，新鮮爽口，好清新，加上其他幾款海草，淡淡嘅醋汁吊味，無喧賓奪主！開胃唔錯！雜錦天婦羅（$98）食咗蝦，蝦肉唔乾，炸漿薄脆，南瓜甜，醬汁薄身微鹹，吊出蔬菜原身甜味，好味鹽燒牛脷（$58）上碟冒住熱氣！牛脷厚肉唔韌，有咬口好肥美，油香滿咀，淡鹽味吊出牛味，好正！青芥牛柳粒串（$48）牛柳用黑椒醃過，牛柳粒淋身無筋，牛味濃，點少少芥辣吊味！好食燒黑豚五花腩（$48）冒住熱氣，啲油好香，肥瘦相間，唔覺好膩！鹹香好食！海鮮茶壺湯（$58） 茶壺有燭光熱住，好飲飲緊功夫茶！湯略清淡，海鮮味清爽，飲完唔會口乾，入面嘅材料唔會太湯渣，食落都幾嫩口！波士三文魚籽海膽飯（$398）好吸睛，三文魚籽好似寶石，脹卜卜好鮮味，海膽新鮮唔腥，好甘香，下面嘅珍珠米有加紫菜絲同蛋絲，味道無