影片
更多
2022-04-16
151 瀏覽
餐廳：本 (觀塘)地址：觀塘開源道52-54號豐利中心5樓509號舖去過觀塘 @booncuisine 應該知道佢哋同樣位於觀塘工業區嘅姊妹店——本 @honbu_hk 啱啱開始試業階段🎉，以一個復古嘅面貌去將全新嘅西式fusion Menu帶比大家🍽以日本名 “Honbu” 為名，意思喺「本部」，希望親朋好友可以喺疫情慢慢好轉之際，有一個大本營可以聚埋一齊，聚舊相好，享受能夠「一齊」同埋「食好西」嘅時光🥰。除咗同 @booncuisine 一樣提供多款高質嘅西式Fusion菜之外，佢哋仲加入多咗好多亞洲特色嘅元素喺每一道菜裡面，所用嘅食材亦喺新鮮同較時令，例如腐乳吉列豬扒竹炭漢堡🍔、蟲草花磨菇忌廉雞湯🥣、欖菜醬薯條🍟等，真喺夠晒特色😍，相信出面都未必搵到餐廳有兩個Area，趁住今日有太陽又有啲風唔會太熱🌞，我就揀咗坐喺室外，而大部分人都坐室內，相對就比較少人，坐都坐得舒服自在啲😌✝️三黃雞蔬菜沙律 $98三黃雞即喺指黃羽毛、黃喙同黃腳嘅雞🐓，仲要求皮膚都喺黃色嘅，呢種雞嘅雞肉肉質嫩滑，脂肪豐飽滿得嚟雞嘅鮮味仲好突出，加咗新鮮火箭菜、粟米芯、杏鮑菇、青瓜🥒、石榴撈成嘅沙律🥗，聞同食落都有
地址：觀塘開源道52-54號豐利中心5樓509號舖
去過觀塘 @booncuisine 應該知道佢哋同樣位於觀塘工業區嘅姊妹店——本 @honbu_hk 啱啱開始試業階段🎉，以一個復古嘅面貌去將全新嘅西式fusion Menu帶比大家🍽
以日本名 “Honbu” 為名，意思喺「本部」，希望親朋好友可以喺疫情慢慢好轉之際，有一個大本營可以聚埋一齊，聚舊相好，享受能夠「一齊」同埋「食好西」嘅時光🥰。除咗同 @booncuisine 一樣提供多款高質嘅西式Fusion菜之外，佢哋仲加入多咗好多亞洲特色嘅元素喺每一道菜裡面，所用嘅食材亦喺新鮮同較時令，例如腐乳吉列豬扒竹炭漢堡🍔、蟲草花磨菇忌廉雞湯🥣、欖菜醬薯條🍟等，真喺夠晒特色😍，相信出面都未必搵到
餐廳有兩個Area，趁住今日有太陽又有啲風唔會太熱🌞，我就揀咗坐喺室外，而大部分人都坐室內，相對就比較少人，坐都坐得舒服自在啲😌
✝️三黃雞蔬菜沙律 $98
三黃雞即喺指黃羽毛、黃喙同黃腳嘅雞🐓，仲要求皮膚都喺黃色嘅，呢種雞嘅雞肉肉質嫩滑，脂肪豐飽滿得嚟雞嘅鮮味仲好突出，加咗新鮮火箭菜、粟米芯、杏鮑菇、青瓜🥒、石榴撈成嘅沙律🥗，聞同食落都有陣陣麻油香😍，
雞肉份量仲唔少，仲要喺手撕落嚟，一啲骨都無，唔錯唔錯👍
✝️卡邦尼意粉 $138
我成日都話最簡單最普通嘅食物喺最難整得好食😛，Carbonara周圍都喺，好食嘅真喺少之有少。
呢度嘅Carbonara鮮蛋黃香好出🤩，蛋黃漿黏黏嘅口感豐富咗意粉嘅滋味，一片片嘅Parmesan Cheese加埋鹹香嘅煙肉碎令意粉變得簡單而好食，仲一啲都唔油膩，唯獨個人覺得鹹咗少少🤏，稍微調整一吓一定perfect😏
✝️豬頸肉沙嗲黑麥包 $98
豬頸肉切成細細條拎去煎香，食落表面焦脆香口，肉質軟嫩香得嚟帶有啲肉汁💦，加上小菜苗、火箭菜同香得嚟唔會太濃烈嘅沙嗲汁，已經夠晒惹味🤤，連埋歐洲流行嘅黑麥麵包一齊食，高纖且低升糖指數，對比起白麵包較為健康，焗香微微脆口令成個配搭更出色😎
✝️香蕉朱古力花生醬忌廉千層窩夫酥 $68
烤得酥脆嘅千層窩夫酥🧇，上面加咗朱古力醬同花生醬🥜，擺上焦糖香蕉之外🍌，再灑上糖霜，未食之際緊喺要打返張卡先啦📸。
對於鍾意食甜品嘅人嚟講，呢個甜品嘅性價比又真喺幾高，當中式花生醬配埋西式嘅甜品，我就好鍾意呢個Mix and Match，唔知你又鍾唔鍾意呢🤪？
張貼
