CookHouse (已結業)

朋友興致勃勃話想食西餐，於是就黎到聯和墟嘅呢間西餐廳。我地四個人一點左右到，地面都滿座，待應安排左我地坐二樓，樓上空間唔算大，但都算闊落，坐得都算舒服。我地總共叫左三個餐，安格斯雙層芝士煙肉漢堡伴沙律及薯條（$98）、挪威煙三文魚雙層芝士薄餅（$78）同蕃茄蟹肉意大利飯（$78）。我地餐飲就點左兩杯特飲：西柚梳打、特濃朱古力同一杯凍檸茶。餐飲非常大杯，抵飲！午市套餐會包餐湯/沙律，而我地就揀左餐湯：南瓜忌廉湯。不過不失啦！最先黎到嘅係漢堡包，呢個巨型漢堡相當吸引，一眼望落去就知道非常足料，黃瓜、蕃茄、洋蔥、生菜、芝士、煙肉、安格斯牛肉砌成嘅漢堡，根本無可能一口氣放入咀裡面。蕃茄生菜嘅新鮮配上煙肉嘅脆香同埋牛肉嘅肉味，真係令人一試愛上。煙三文魚薄餅同樣地都係好足料，大大塊三文魚鋪上面，無花無假！不過個Risotto 就有少少失望，比較淡味，更加食唔出有蕃茄味。