影片
更多
2014-04-15
962 瀏覽
假日路過呢間鋪，門外總是企滿客人。唯一閒日總是可以清靜一下，馬上有位了。到餐廳前，已經閱覽各位食家意見，所以今趟揀選的跟大家相近。首來的，香檳葡萄汁，侍應一放上枱已經聞到一陣香檳味，飲落幾清新，不太甜，幾好。接著就來一個盬酥蚵仔，個人很喜愛蠔類，呢碟盬酥蚵仔一上枱，見佢啲炸粉咁少就感開心，因為咁樣先可以食到蚵仔的味道。微熱，脆而香口，配上那杯飲品，真係一流。很快，主角出場了，先喝一口湯底，幾清。再試一件牛肉，真係估唔到"林"得咁緊要，真的是入口即溶。再看看件牛，簡直AMAZING，筋肉分明得咁有層次，真係值得讚！一碗有4件牛肉，3件都是"林"的，尚算係咁吧！唯一有點不好的，就要麵條一團團, 廚師相信是慳力了，没有鬆開麵條邊烹煮。這款粗麵粗得像是河粉，但麵的質感以為有啲0趙口，呢個就軟身咗啲。食麵中途也來了這個涼伴小食--鹵水牛肉片。啖啖肉，唔講唔知，會以為食緊鹵水鵝片咁。碟旁的小醬油，我都唔肯定是什麼醬料，因為唔駛點都味道夠了。最後，叫侍應上甜品了，一上枱見碟旁兩舊CREAM裝飾，都幾開心架!奇又奇在，菜單上寫的是千層芝士蛋糕，落單紙也寫的是"是日芝士蛋糕"。但上枱的實物是朱古力(芝士
到餐廳前，已經閱覽各位食家意見，所以今趟揀選的跟大家相近。
首來的，香檳葡萄汁，侍應一放上枱已經聞到一陣香檳味，飲落幾清新，不太甜，幾好。
接著就來一個盬酥蚵仔，個人很喜愛蠔類，呢碟盬酥蚵仔一上枱，見佢啲炸粉咁少就感開心，因為咁樣先可以食到蚵仔的味道。微熱，脆而香口，配上那杯飲品，真係一流。
很快，主角出場了，先喝一口湯底，幾清。再試一件牛肉，真係估唔到"林"得咁緊要，真的是入口即溶。再看看件牛，簡直AMAZING，筋肉分明得咁有層次，真係值得讚！
一碗有4件牛肉，3件都是"林"的，尚算係咁吧！唯一有點不好的，就要麵條一團團, 廚師相信是慳力了，没有鬆開麵條邊烹煮。這款粗麵粗得像是河粉，但麵的質感以為有啲0趙口，呢個就軟身咗啲。食麵中途也來了這個涼伴小食--鹵水牛肉片。
啖啖肉，唔講唔知，會以為食緊鹵水鵝片咁。碟旁的小醬油，我都唔肯定是什麼醬料，因為唔駛點都味道夠了。
最後，叫侍應上甜品了，一上枱見碟旁兩舊CREAM裝飾，都幾開心架!奇又奇在，菜單上寫的是千層芝士蛋糕，落單紙也寫的是"是日芝士蛋糕"。但上枱的實物是朱古力(芝士)千層蛋糕。所以若果不喜歡食朱古力的朋友，就要留意啊！講真的，我真的食不出芝士味，朱古力味太香濃，所以蓋過了。但本人還是喜歡這個甜品，我無聊到一層層掀起食，真的YUMMY
張貼
