Mirror & Vegan Concept (已結業)

好友話想食齋，我就諗起之前有朋友介紹過意大利齋mirror & vegan，即刻約黎試下先！餐廳唔大，佈置精雅，有唔少外國人幫襯！餐牌都比較簡約，貴精不貴多，我地就唔諗咁多叫左2個set dinner。但set dinner 一啲都唔簡單架！先嚟嘅係雜菜沙律，份量不少！新鮮燕麥蔬菜加左油醋汁，酸酸甜甜好開胃！看似簡單嘅蕃茄濃湯，但其實非常不簡單，因為佢真係好香濃，好似食緊啖啖蕃茄咁，仲好酸下，大愛！個多士香脆到一個點，好似食緊薯片咁，超好食！呢度嘅set dinner 比一般西餐多左一個蔬菜，呢度係紅酒繪雜菜，份量仍然係唔少，除左一堆雜菜，仲有幾粒大嘅新鮮磨菇，個紅酒汁甜甜地相當好味，我地當佢湯咁飲埋！食完幾個前菜，其實都半飽！不過之後嘅主菜又係好精彩，令人欲罷不能！白松露虎茸箘扁義粉，超香白松露味，仲有大量菇菇，絕不欺場，香到令人不能停口，一條粉都唔會放過！蕃茄汁炸義大利飯又係一個相當精彩嘅菜，從未食過咁樣炸法嘅義大利飯！炸完每粒飯都變成脆米，蕃茄汁又係好香濃，炸飯點左少許汁就變成煙韌，又係另一番口感，所以我地係 將所有汁都撈埋！3粒炸飯睇落去好似細細份，但食完係會好飽架!真係冇介紹