Selfie Cafe (已結業)

一般好少人到呢種cafe食晚餐, 所以晚餐時間比較靜, 今日訂左台同朋友食晚餐慶祝生日, 有驚喜!一出尖沙咀b2出口就見到，地方好就腳！真正地方細細五臟區全!入左去呢間以自拍飲品為主題o既小店, 雖然店面細細,只放有數張台, 店內裝修係歐陸feel,但食品o既款式都幾多,叫左4個set dinner加$19 有selfie飲品。粉同飯份量好細精緻，女仔細食啱晒，所以目測店内大部份客人都係女仕，食物味道cafe 黎講可以， 上茶都快，但價錢偏貴。食材新鮮! 海鮮鮮甜爽口。唯一不足面條有點overcooked 唔夠煙韌略為粘!反而個豬仔骨份量好足，有驚喜， 比粉好味好多！我叫左杯selfie皇室奶茶好有茶味，唔會太甜，最緊要可以玩放相， download左個app, 之後搵店員落單再upload相到個app到輸入資料order no. 即可。仲訂左個1磅生果忌廉蛋糕，如我所料上面塊糖膠得個樣，只可觀看，咬了一口太甜，冇食晒，但中間的生果忌廉海棉餡好味！老闆好好人安排我地幾個坐在角落，食野影相都好悠閒。