大阪日本料理 (已結業)

呢間大阪日本料理開咗好耐，最近搬咗去富豪九龍酒店，地方好闊落，坐得舒服，價錢合理，適合大夥兒食飯。去到日本餐廳梗係要食刺身啦，我哋叫咗個刺身拼盤，有九款刺身，刺身選料上乘! 三文魚好肥美，厚切嘅拖羅同油甘魚都好肥美，口感好好。侍應有介紹食魚嘅先後次序，由比較淡味嘅白身魚開始食就冇錯了。香蔥吞拿魚蓉卷亦唔錯，好足料！！！然後我哋點咗啲熱食，叫咗薄燒和牛、串燒同埋燒年糕。薄燒和牛好味，旁邊嘅配菜亦好有誠意；另外仲有鐵板燒雜菜，平衡和牛嘅肥膩。串燒亦好高質，牛舌係必食推介，好juicy的！最後食埋雪糕，好滿意！