相撲手日式放題 (已結業)

星期六晚喺尖沙咀行到餓餓地，又好耐無食放題，見到有職員派宣傳單張，所以就決定一試。

放題頭盤緊係刺身啦，啲三文魚真係好厚切，對於鍾意食三文魚嘅我真係一大滿足，另外，馬刀貝食落去嘅質地都好正，值得一試。另外比較特別嘅係呢度有蟹腳食，點完再點是必須吧

相撲手嘅串物好好食，極推介鹽燒牛舌，安格斯一口牛粒，一上枱襯熱食一流！！相撲手嘅燒物都名不虛傳，極推介芝士焗蠔，焗羊鞍，仲有其他放題店食唔到嘅燒茄子！

食物之外，呢度嘅職員服務同埋態度好好，野食上得快，唔會甩單，食物款式多，值得一試:)