影片
更多
2021-11-23
360 瀏覽
原本想話去大家樂食份普普通通嘅早餐，都未掃安心已經見到人龍，而且望到顯示屏幕有一大堆號碼等緊餐，轉場，去祥榮.第一次去祥榮又睇睇質素如何？點咗沙爹牛肉公仔麵，腸仔炒蛋 + 方包，見到歐陸早餐有薯餅供應，於是問侍應可唔可以加薯餅，可以，加十蚊，去老麥食早餐，加多一件薯餅加12蚊，相差兩蚊，於是點埋薯餅.優點：1) 環境比大家樂及老麥闊落舒服，而且容易搵位.2) 價錢唔算貴.3) 沙爹牛肉入味，牛肉口感嫩口唔韌.缺點：1) 沙爹牛肉麵份量偏少.2) 好明顯，炒蛋係預制組件，攤到凍哂，口感唔滑係必然.3) 凍0茶份量都偏少.4) 最期待嘅薯餅最失敗！食完牛肉麵同炒蛋，薯餅先上枱，成碟都係油，薯餅熱到辣咀，而且入口又係成口油，差到要用紙索幾吓，吸緊D油先食得落！估計薯餅係漏單，發現之後就快快炸起唔停乾油就上枱費事被人投訴，所以食落辣咀又成口油.薯餅係價錢上同老麥相差兩蚊，但質素同口感差兩倍.下次都係食大家樂！
第一次去祥榮又睇睇質素如何？
點咗沙爹牛肉公仔麵，腸仔炒蛋 + 方包，見到歐陸早餐有薯餅供應，於是問侍應可唔可以加薯餅，可以，加十蚊，去老麥食早餐，加多一件薯餅加12蚊，相差兩蚊，於是點埋薯餅.
優點：
1) 環境比大家樂及老麥闊落舒服，而且容易搵位.
2) 價錢唔算貴.
3) 沙爹牛肉入味，牛肉口感嫩口唔韌.
缺點：
1) 沙爹牛肉麵份量偏少.
2) 好明顯，炒蛋係預制組件，攤到凍哂，口感唔滑係必然.
3) 凍0茶份量都偏少.
4) 最期待嘅薯餅最失敗！
食完牛肉麵同炒蛋，薯餅先上枱，成碟都係油，薯餅熱到辣咀，而且入口又係成口油，差到要用紙索幾吓，吸緊D油先食得落！
估計薯餅係漏單，發現之後就快快炸起唔停乾油就上枱費事被人投訴，所以食落辣咀又成口油.
薯餅係價錢上同老麥相差兩蚊，但質素同口感差兩倍.
下次都係食大家樂！
張貼
