三盞燈茶餐廳 (已結業)

周日時份，因下午要去拜山，所以先叫早餐頂肚﹗叫左一個同上次一樣的金牌早餐，不過今次係配白汁雜菌奄列﹗可能是星期日的關係，呢間茶記竟然門口有成十個人在等位，好不誇張，幸好今次一個人來，有得搭枱，唔係無得食都似﹗又要讚讚佢既特厚多士，麵包焗得香脆，配上大量牛油，有份量亦可口，食左呢兩塊多士都已經飽左一半﹗羅宋湯牛肉螺絲粉感覺比上次仲大碟左，牛肉亦多左幾片似的，湯底味道鮮甜，螺絲粉不爛身有嚼勁，我鍾意﹗白汁奄列就汁多過菇，搞到膩膩地，要彈都只係可以彈呢個﹗