魚がし日本一 (AIRSIDE)

營業中

休息中

1989年創立嘅魚がし日本一，係日本擁有近30間分店，首家海外分店就係係啟德 Airside。魚がし日本一的日文名字意為日本最佳魚產。香港店嘅食材均來自日本無污染海域，每日由當地市場新鮮直送到店。佢本身都係立食壽司店，但係香港好似唔係好受落，宜家都有高櫈可以慢慢食。今日食Lunch唔食壽司，食刺身丼。價錢百零蚊到二百幾蚊到。已經包括沙律、茶碗蒸、鯛魚茶漬湯。最平係三文魚親子丼。三文魚腩同三文魚籽都好新鮮。品質有保證。我食嗰個三味吞拿魚丼，有赤身、火炙拖羅、大拖羅。鮪魚非常之有味，拖羅完全冇筋，入口即化。火炙拖羅厚身爽口。赤身魚味濃的確係高級飛機貨，完全唔同放題質素。仲可以飲杯燒酎梳打，非常滿足。可以試吓佢哋個開心果雪糕，食完刺身食都幾舒服。