食包 (已結業)

黑松露炒蛋煙肉芝士漢堡（36蚊）：
個包淋既，然後塊煙肉得個包既一半大小，一啖已食哂。啲蛋無黑松露味同蛋味，衰過食M記！

炸雞扒（22蚊）：
食完個包咁難食，諗住食個炸雞扒應該無死啦，點知又出事！塊雞扒可以炸到皮肉分離，啲皮有陣燶味，明顯翻炸過唔知幾多次。然後啲肉又有陣雪味，真係搞唔掂！

環境：一般有少少位既小食店咁囉，有癡幾張偶像海報喺度呃下人入嚟。

服務：一男一女好似未訓醒咁，講野陰聲細氣好似就斷氣，煮好野食叫都唔叫聲你，多謝都無聲。

結論：與其洗錢買打手寫食評，不如改善下啲食物質素先，唔好喺度影衰飲食業！