泰鑫

營業中

休息中

我有個朋友舊年年頭先過咗泰國做嘢，呢個星期佢難得返香港，就特登話約我食晚餐，點知佢竟然話食泰菜，我都嚇一驚，明明佢已經成日有得食，點解返香港都要食？原來係因為大有來頭，佢話餐廳係香港泰國領事都推薦嘅，所以想帶我去食下！一嚟到已經好有驚喜，呢間餐廳好光猛，亦都採用木系嘅風格，感覺清新！所有嘢食其實都超級好食，店員都有講解返，老闆其實好有堅持，佢想為大家提供地道嘅泰國菜，所以湯麵嘅湯底係老板同泰廚一齊去泰國學師之後再自己調教而成嘅，絕對有滿滿嘅誠意啊！泰式和牛濃湯麵個湯底好好味，加上黃牛份量都算多，而炸豬皮都完全冇油益味。濕炒素河醋味比較濃，我覺得真係好似泰國地道食到嘅濕炒河咁！泰式炒芥蘭啲菜好新鮮，炒得清脆！芒果糯米飯個樣已經好靚，打卡一流，加上熱熱嘅醬汁一齊食真係好正。至於飲品我哋就要咗一杯士多啤梨梳打同埋一杯泰檸荔枝梳打，兩個都好refreshing，唔會太甜。