春水堂 (希慎廣場) (已結業)

係銅鑼灣餓餓地掛住台式小食就去食春水堂，其實之前陪媽媽同埋同朋友都食過觀塘嘅春水堂，不過食主食就真係覺得無咩特別，今次再比多次機會佢。下午茶時間多數大家都飲緊珍珠奶茶同食緊甜品，但茶飲香港有更多選擇，我就無特別點到。-先黎鹽酥杏鮑菇，新鮮滾熱辣，面層好酥，皮同菇唔會散晒，調味唔會過份咸，過口癮之選。-茶香肉燥娃娃菜，茶香麻油香豐富，娃娃菜裡裡外外都夠味，菜夠淋身，大小尚可，女生緊記慢慢食，分幾啖入口。呢道小食，銅鑼灣做得比觀塘出色👍🏼-手工麻香麵線，麵線係我喜歡嘅幼身麵，軟硬適中，個麵唔會變成一團野，條條分明。有滷蛋有菜有味道，只係銅鑼灣店製作嘅似乎麻香略為不足，加上手機下單無得走芹菜。-整體小食比主食出色嘅店舖，可以叫個麵線或魯肉飯配搭一下小食，簡簡單單又一餐。