茶湯會 (環球大廈) (已結業)

茶湯會除左飲品仲有小食，而且仲有飲品加小食嘅套餐。今日黎到，我揀左一直好想試嘅珍珠奶茶多士，配一杯燕麥觀音拿鐵，$45，作為一個中環嘅下午茶，都正常價錢。燕麥系列嘅奶茶，用左燕麥而非珍珠去增加口感，感覺健康而且飽肚。不過就容易沉底，所以要keep住攪，先飲到。多士係即叫即做，入面就係裝滿珍珠同煉奶同牛油，個餡係流心嘅，所以要小心咬開，唔好比啲珍珠濺到。個多士好脆身，好香，熱辣辣，好似一隻杯咁盛載珍珠，所以我選擇用叉去畢啲珍珠哈哈。味道真係好似珍奶咁㗎～呢度有位坐，可以即刻食。