雞公館 (已搬遷) 新店位置

想簡簡單單唔想煮，經過東大街雞公館就決定買半隻雞再加D滷水野又一餐。文昌雞半隻，皮薄餡靚有雞味，肉質鮮彈冇肥肉，食落啖啖瘦肉唔油膩又滑，真係好回味。平時個D黃油雞真係冇得比!滷水分麻辣同埋原味系列，每日限量製作，盒盒份量都好足，好抵食。豬耳切得幼細，食落爽脆! 豬大腸非常乾淨，食落有嚼頭，津津有味。豬腩片帶有香辣，又係啖啖肉夠嫩口。隨雞附送既醬汁先係大驚喜! 兩隻汁都好好味，甜甜地又提鮮! 想食靚雞同埋真材實料既滷水就要試試，絕對唔會用大量濃味辣味去蓋晒食材原有味道。