影片
更多
2005-03-15
2 瀏覽
之前聽MM介紹過, 星期日剛好要去上海街買野, 就揀左呢度食晏.同lazy媽兩個人叫左韮菜豬肉餡餅: 皮唔厚唔un又唔算油, 相對餡料的分量亦多, 兩個人分最好無錫骨上海粗麵: 粗麵有咬口, 唔會淥得太腍, 無錫骨酸甜剛好, 肉亦唔韌, "送"麵食好掂!炒年糕: 等得耐左少少, 証明應該係即叫即炒, 份量幾大, 當中的椰菜芽菜之類的亦唔少, 年糕又係煙煙韌韌, 不經不覺又清埋.豆沙窩餅: 原本無唸住叫, 聽到隔離檯的女士叫的時候, 我同lazy媽講左句"係喎, 仲有豆沙窩餅喎", 點知個亞姐非常好耳, 即刻問我"係咪要呀??", 既然係咁又要一件試試啦(其實都驚食唔晒). 賣相同平時的唔同, 就似係兩塊薄餅(唔似平時的粘米/糯米)夾住一層薄薄的豆沙去煎, 豆沙唔太甜, 份量亦多, 0岩我口味, 個人食左四份三.....期間有位應該係負責御膳廚房的尚宮娘娘走左出來問我地d無錫骨好唔好食, 我地話好味兼肉質夠鬆化, 佢即刻好開心咁講"緊係啦", 之後其他尚宮娘娘都走埋來講埋一份.... 哈哈, 食到抱住個肚走埋單都係六十大洋. 下次要再試水餃/雲吞/豬扒/牛腩.....
同lazy媽兩個人叫左
韮菜豬肉餡餅: 皮唔厚唔un又唔算油, 相對餡料的分量亦多, 兩個人分最好
無錫骨上海粗麵: 粗麵有咬口, 唔會淥得太腍, 無錫骨酸甜剛好, 肉亦唔韌, "送"麵食好掂!
炒年糕: 等得耐左少少, 証明應該係即叫即炒, 份量幾大, 當中的椰菜芽菜之類的亦唔少, 年糕又係煙煙韌韌, 不經不覺又清埋.
豆沙窩餅: 原本無唸住叫, 聽到隔離檯的女士叫的時候, 我同lazy媽講左句"係喎, 仲有豆沙窩餅喎", 點知個亞姐非常好耳, 即刻問我"係咪要呀??", 既然係咁又要一件試試啦(其實都驚食唔晒). 賣相同平時的唔同, 就似係兩塊薄餅(唔似平時的粘米/糯米)夾住一層薄薄的豆沙去煎, 豆沙唔太甜, 份量亦多, 0岩我口味, 個人食左四份三.....
期間有位應該係負責御膳廚房的尚宮娘娘走左出來問我地d無錫骨好唔好食, 我地話好味兼肉質夠鬆化, 佢即刻好開心咁講"緊係啦", 之後其他尚宮娘娘都走埋來講埋一份....
哈哈, 食到抱住個肚走埋單都係六十大洋. 下次要再試水餃/雲吞/豬扒/牛腩.....
張貼