清真牛肉館 (龍崗道) (已結業)

今日嚟到， 淨係叫左牛肉餅， 用餐時間雖然係下午兩點幾， 但都依然爆場， 仲要等位， 入到去坐好， 位置超迫， 但都只係食個餅， 快食快閃， 都無咩所謂， 等左一陣， 個餅終於嚟到， 一咬， 爆晒汁， 外皮薄得嚟， 表面小脆香， 但口感都依然軟糯， 內裏既牛肉， 好香， 別人口中覺得牛肉既"蘇"味， 我就覺得係香味， 越"蘇" 越好味， 由其清真牛或羊通常都會有， 香料加左落牛肉， 真係配合得天依無縫， 出面食到既牛肉餅， 一係外皮唔夠軟糯， 一係就牛肉無味， 難怪呢度長期爆人另外， 我仲點左個清真鮮蝦雲吞， 其實， 我係有d好奇， 點樣清真法， 原來係用清真牛肉(即係做牛肉餅既牛肉) 加鮮蝦做成既雲吞， 本身雲吞內既牛肉係多過鮮蝦 (每粒雲吞只有一隻蝦), 所以佢餐牌上沒有提到牛肉， 我覺得有d誤導， 不過試完就算喇， 個味道都ok既， 但同一樣既"涵" 用嚟做牛肉餅真係好味好多