譚家菜 (已結業)

之前行開香港仔，見到有一間新開嘅(譚家菜)，今日咪決定同屋企人去食晚飯。七點鐘去到，已經有好多人，好彩仲有少量位置。坐低即刻望吓個餐牌，有好多野都想食，最後決定叫晚市超值孖寶-B。個湯都好清甜，湯料仲好豐富。之後到燒腩仔，個燒腩仔係新鮮豬肉製作。燒腩仔個皮非常鬆脆，好有肉味仲肥瘦適中，未食過咁好食嘅燒腩仔。揀咗個果皮蒸泥鯭。泥鯭非常新鮮，十分鮮美，好有魚味。最後到豉椒炒大蜆蜆肉鮮甜彈牙，有好多蜆肉同好惹味，一定要再試。如果中午來食飯都有好多選擇。整體上，食物質素好好，而且服務亦都唔錯。